30 anos tarde


Recentemente foi presentado publicamente o Plan de Mobilidade Urbana Sostíbel de Marín pola alcaldesa de Marín. Entre as finalidades deste plan está o de “garantir máis espazos para a xente” e “ir readaptando o espazo urbanos para¨que non sexa acaparado polo estacionamento¨, e todo isto vaise acadar “compatibilizándoo coa mellora das rúas e prazas da vila con necesidade de aparcadoiros”.

Non podemos negar que a música sona moi ben e vai na liña do modelo de desenvolvemento urbano baseado en sacar do espazo público os vehículos e devolverlle o seu uso ás persoas.

Sen tempo non era, o concello de Marín leva trinta anos de atraso na aplicación deste tipo de medidas, e agora non lle queda mais remedio que aplicalas si ou si para cumprir as directivas da UE. Pontevedra lévanos trina anos de adianto e ahi temos os resultados, hoxe é un modelo que veñen a copiar de moitas partes do mundo.

Con todo, aínda que a música soa ben, nesa presentación só se expuxeron as liñas mestras de actuación sen concretar propostas concretas.

Se como din na presentación o exemplo do que pensan facer son as obras da Avenida de Ourense non imos polo mellor camiño. Esa avenida quedou practicamente como estaba, cun tráfico intenso e sen gañar espazo para as persoas, e cun carril bici que non leva a ningures pero serve para cobrar unha subvención.

Como se vai garantir o cambio de mobilidade? Como se van sacar os coches das rúas? A humanización das rúas vai ser tan pouco ambiciosa como até o de agora? Necesitamos que a humanización do centro de Marín, do seu casco histórico sexa efectiva, e non como agora onde a permisividade nalgunhas rúas fai que a peonalización non sexa real.

Marín necesita afondar na humanización dos núcleos urbanos, o de Marín e o de Seixo, cun proxecto integral que teña en conta a totalidade do espazo urbano. Non se poden ir poñendo parches nunha rúa e despois noutra sen ningún tipo de continuidade.

Fálase de reducir o tráfico e de mellorar o transporte público mais sen facer propostas concretas, agás o transporte a demanda para comunicar as parroquias. Se queremos facer un cambio real na mobilidade son necesarias propostas globais para a mellora do transporte público, non só para comunicar as parroquias, que aborden a comunicación cos outros concellos do Morrazo, con Pontevedra e con Vigo. As propostas para mellorar o transporte público teñen que ser máis ambiciosas.

Aínda que o coche eléctrico non é a solución aos problemas de mobilidade, segue sendo un vehículo que ocupa un espazo, botase en falta un plan de implantación de puntos de recarga. Isto facilitaría o uso de coches menos contaminantes.

Tampouco estaría mal apostar pola renovación do parque móbil municipal substituíndo os vehículos de combustión por vehículos eléctricos, e demandar que o transporte público tamén empregue medios non contaminantes.

Todas estas propostas están moi ben. Porén, para que isto se poida levar con éxito é necesaria moita pedagoxía e moita participación da cidadanía. E nisto non se están facendo as cousas ben.

Non se pode considerar “participación” poñer unha enquisa nunha páxina web e facer unha presentación “fechada” do Plan de Mobilidade a unhas poucas persoas e asociacións. Un discurso da alcaldesa e unha exposición da empresa que elabora o plan non é participación.

Unha participación real ten que darse entre todos e todas. Asociacións, veciños, partidos, organización sectoriais, etc, onde se poidan expoñer ideas, dúbidas, facer propostas.

Estamos diante dos primeiros pasos deste Plan de Mobilidade Urbana Sostíbel, hai que esperar a coñecer o texto onde se van plasmar todas estas intencións do goberno municipal de Marín par valorar se a música que tocan está desafinada ou non.

About colectivo nacionalista de Marín

nacionalismo soberanía nacional
Esta entrada foi publicada en Uncategorized. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s